Կալինինգրադի շրջանում կառուցվելիք BMW գործարանի արտադրանքը հնարավոր կլինի մասամբ դուրս բերել արտահանման շուկաներ, մասնավորապես, ԵՏՄ երկրներ արտահանել։ Այս մասին «ՌԻԱ Նովոստի»-ին տված հարցազրույցում նշել է Կալինինգրադի նահանգապետ Անտոն Ալիխանովը։
Հինգշաբթի հայտնի էր դարձել, որ BMW-ն «Մինպրոմտորգ»-ին ավտոմեքենաների արտադրության գործարանի կառուցման հատուկ ներդրումային գործարք կնքելու դիմում է ներկայացրել։ «ՌԻԱ Նովոստի»-ի աղբյուրը հայտնել է, որ շինարարությունը կարող է սկսվելօ 2020 թվականին։
«Մենք ելնում ենք նրանից, որ արտադրանքի մի հատվածը կուղղվի արտահանման շուկաներ։ Եվրասիական շուկան, ինչպես նաեւ ռուսական շուկան հասանելի են, ուստի վաճառքը Ղազախստանի, Բելառուսի, Հայաստանի, Ղրղզստանի շուկաներում եւս հնարավոր է, չնայած այս շուկաները այնքան էլ մեծ չեն, բայց ժամանակի հետ կաճեն», —նշել է Ալիխանովը՝ հավելելով, որ Իրանի, Հնդկաստանի եւ այլ խոշոր շուկաները լուրջ լրացում կլինեին, սակայն «այդ շուկաներ մուտք ունենալու համար նախ պետք է ինքներս բացենք մեր շուկան նրանց համար»։
BMW-ն 1999 թվականից կալինինգրադյան «Ավտոտորա» հարթակում հավաքում է 3-րդ, 5-րդ եւ 7-րդ սերիաների մեքենաներ, ինչպես նաեւ X1, Х3, X4, X5 եւ X6 քրոսովերներ։