ԱՄՆ իշխանությունները ձերբակալել են երկու եղբայրներ՝ Քրիստին եւ Թայլեր Տորոներին ահաբեկչություն իրականացնելու նպատակով պայթուցիկ սարքեր պատրաստելու համար, հաղորդում է The New York Times-ը։
Գործը քննվել է Մանհեթենի դաշնային դատարանում։ Մեղադրական եզրակացությունում մասնավորապես նշված է, որ եղբայրների Բրոնքսի տանը հայտնաբերվել են այնպիսի նյութեր, որոնք անհրաժեշտ են պայթուցիկներ պատրաստելու համար՝ նիտրատ, ալյումինի փոշի, երկաթի օքսիդ եւ ռումբի միջուկ։
Քրիստիան Տորոն աշխատում էր Հարլեմ շրջանի դպրոցում եւ վճարել է աշակերտներին պահանջվող նյութերը հրավառ նյութերի պատրաստման վայրերից գնելու համար, որը ազատ վաճառվում է ԱՄՆ-ում։
Եղբայրները ձերբակալվել են հունվարի 31-ին, դեռ տեղեկություն չկա նրանց միջազգային ահաբեկչական կազմակերպության հետ կապի շուրջ։
