News
Լրահոս
News
Ուրբաթ
Մարտ 29
Տեսնել լրահոսը

21.9 տոկոս գնաճի վերաբերյալ մեր հաշվարկը ոչ մեկը չհերքեց, ինչը նշանակում է կասկածի տակ է դրվում վիճակագրության ծառայության բերած գնաճի 2,6 տոկոսի թվերը: Այս մասին, այսօր՝ փետրվարի 16-ին, ԱԺ արտահերթ նիստում Հարկային օրենսգրքի փոփոխությունների վերաբերյալ օրենքի նախագծի քննարկման ժամանակ հայտարարեց օրինագծի հեղինակ, «Ելք» խմբակցության ղեկավար Նիկոլ Փաշինյանը:

Նա տարակուսանք հայտնեց, որ ոչ ոք այդպես էլ չի կարողանում բացատրություն տալ, թե ինչու նույն ԵՏՄ տարածքում Մոսկվայում կարագը 2500 դրամ է, Երեւանում՝ 4400 դրամ:

«Այստեղ իշխանության ներկայացուցիչները հայտարարում են, թե առաջարկվող հարկային փոփոխությունը ոչ մեկին ոչինչ չի տա: Դա զարմանալի չի, որովհետեւ դուք մի ժամանակ էլ ասում էիք գնաճը ոչ մեկին չի վնասում, պարզ է, որ իջեցնելն էլ ոչ մեկին օգուտ չի տա: Կամ Խոսրով Հարությունյանն ասում է, որ այս փոփոխությամբ բնակչության եկամուտների հարցն ամբողջությամբ չի լուծվում: Այսինքն եթե խնդրի լուծման համար անհրաժեշտ է 64 մլրդ դրամ, իսկ մենք կարող ենք այս փոփոխությամբ տալ միայն, ասենք 20 մլրդը, եկեք չտանք»,-ասաց Փաշինյանը:

Անդրադառնալով կառավարության ներկայացուցչի հարցադրմանը, թե հարկային այս փոփոխությունները առաջացնում են 32 մլրդ դրամի բեռ բյուջեի վրա, որտեղի՞ց այդ գումարը ճարենք:

«Դա մեր հավերժական հարցն է դարձել: 2016-ին էլ էինք ասում, որտեղից այդ գումարը ճարենք, ինչքան կա, առաջնագիծը պահում ենք, բայց հենց ապրիլյան պատերազմը եղավ, վռազ 5 մլրդ հավաքեցին, չգիտեմ որտեղից՝ ռեկետով, աղաչելով, սպառնալով, ու տարան առաջնագիծ: Եվ գլխավոր շտաբի պետի տեղակալն էլ խոստովանում է, որ վերջին 8 տարում առաջնագծում այնքան բան չի արվել, որքան այս մեկ ամսում»,-նկատեց «Ելք»-ի ներկայացուցիչը:

Նշենք, որ «Ելք»-ի նախաձեռնած Հարկային օրենսգրքի փոփոխություններով առաջարկվում է վերադառնալ բենզինի ու դիզվառելիքի ակցիզային հարկի մինչեւ հունվարի 1-ը գործող դրույքաչափերին: Նաեւ առաջարկվում է 150 հազար դրամից մինչեւ 450 հազար դրամ ամսական աշխատավարձ ստացող ֆիզիկական անձանց եկամտային հարկը կվերադարձվի մինչեւ Հարկային օրենսգրքի ուժի մեջ մտնելու պահը (2018-ի հունվարի 1) կիրառված դրույքաչափին՝ 28-ից 26 տոկոսի:

ԱԺ-ն քվեարկությամբ մերժեց օրենքի նախագիծը:

Բենզինի տիրակալները թող բացատրեն՝ ինչպե՞ս է, որ ՌԴ-ում բենզինը թանկանում են 8 տոկոսով, ՀՀ-ում 30 տոկոսով 

Խոցելի խավին 1000 դրամով աջակցելն ամենաողորմելի ինստիտուտն է. Բոստանջյան

Ցանկացած գնով քաղաքացիների եկամուտների ավելացումն անթույլատրելի է. ՀՀԿ

Առաջին անհրաժեշտության ապրանքները թանկացել են 2017-ի սեպտեմբերից, երբ ակցիզային հարկի մասին խոսք չկար. ՀՀԿ

Որքա՞ն է իրականում կազմել գնաճը. Փաշինյանի ուսումնասիրությունը հետաքրքիր փաստեր է պարզել

Տպել
Կարդացեք նաև
Ամբողջը
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը
«Հայփոստ»-ի գլխավոր գործադիր տնօրեն Արայիկ Աբրահամյանը խոսել է կատարված աշխատանքների, ֆինանսական և որակական ցուցանիշների...  
Այս պահին ԵԱՏՄ անդամ ենք, զուգահեռաբար ԵՄ և այլ շուկաների ինտեգրման ուղղությամբ ենք աշխատում. Թունյան
Քննարկումներ միշտ լինում են, Հայաստանը հաշվի է առնում բոլոր օգուտներն ու…
Դոլարի փոխարժեքը նվազել է. եվրոն նույնպես շարունակում է էժանանալ. Ռուբլին կայուն է
ԱՄՆ դոլարի փոխարժեքն այսօր՝ մարտի 28-ին, կազմել է…
«Այրում» գինիում գտել են սինթետիկ ներկանյութ ազորուբին. ՍԱՏՄ-ն Բելառուսից նամակ է ստացել
ՀՀ սննդամթերքի անվտանգության տեսչական մարմինն այսօր ստացել է Բելառուսի…
Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունները
Էկոնոմիկայի նախարար Գևորգ Պապոյանը մարտի 27-ին ընդունել է Հարավային...
Սյունիքի, Լոռու, Կոտայքի, Գեղարքունիքի մարզերի 33 ազդակիր բնակավայրերին կհատկացվի ռոյալթիների 2 տոկոսը. Սանոսյան
2021 թվականին մեր մետաղական հանքերը բյուջե են վճարել 52 միլիարդ դրամ ռոյալթի, հիմա սա այդ 52 միլիարդի 2 տոկոսն է, և այսպես՝ ամեն տարի: Հաջորդ...
Ամենաշատ