Հայ ազգային կոնգրեսը փետրվարի 20-ին, ժամը 18։00-ից Ազատության հրապարակում կազմակերպում է Ղարաբաղյան շարժման 30-ամյակին նվիրված հոբելյանական տոնական հավաք։
ՀԱԿ մամուլի ծառայության փոխանցմամբ, հրապարակում կներկայացվեն Շարժման տարիների լուսանկարների, պլակատներ, կարգախոսներ, կցուցադրվեն տեսանյութեր։
Կլինեն ելույթներ, կհնչի երաժշտություն եւ Շարժման շեփորը։
Տեղի կունենա պատմաբան Աշոտ Սարգսյանի՝ «Ղարաբաղյան շարժման պատմություն 1988-1989» պատմագիտական աշխատության շնորհանդեսը։
Միջոցառման սկիզբը փետրվարի 20-ին ժամը 18.00-ին։
Մեր պատմության հերոսական այս դրվագին նվիրված միջոցառմանը հրավիրում ենք մասնակցելու Ղարաբաղյան շարժման ղեկավարներին, ակտիվիստներին, երիտասարդ սերնդին, բոլորին։
Շարժմանը նվիրված նյութերի ցուցադրությունը կշարունակվի նաեւ փետրվարի 21-ին եւ 22-ին։