ՌԴ Գերագույն դատարանը հրաժարվել է նախագահական ընտրություններում Վլադիմիր Պուտինի գրանցումն անօրինական ճանաչել՝ մերժելով Քսենիա Սոբչակի հայցը, հաղորդում է «Ինտերֆաքսը»:
«Քսենիա Սոբչակ Անատոլիեւնայի՝ ԿԸՀ-ի 2018 թվականի փետրվարի 6-ի որոշումը՝«ՌԴ նախագահ Վլադիմիր Պուտինի թեկնածության գրանցման մասին» չեղյալ համարելու վարչական հայցը մերժել», - հայտարարել է դատավոր Նիկոլայ Ռոմանենկովը:
Սոբչակի հայցում նշել էր, որ Պուտինը «իրավունք չունի առաջադրվել եւ գրանցվել որպես ՌԴ նախագահի թեկնածու», քանի որ նա այդ պաշտոնը երեք անգամ զբաղեցրել է:
Սոբչակը նաեւ նշել էր, որ 2012 թվականին Պուտինը «շրջանցելով օրենքը» համաձայնել է Դմիտրի Մեդվեդեւի հետ «ՌԴ նախագահի պաշտոնի ժամանակավոր զիջման մասին»՝ այն պայմանանավորված ժամկետից հետո վերադարձնելու պարտավորությամբ:
