ՆԱՏՕ-ի նպատակն առանց միջուկային զենքի աշխարհն է, սակայն, քանի դեռ այն գոյություն ունի, ՆԱՏՕ-ն կմնա միջուկային դաշինք: Այդ մասին հայտարարել է Դաշինքի գլխավոր քարտուղար Յենս Ստոլտենբերգը` ելույթ ունենալով Մյունխենի անվտանգության կոնֆերանսում:
Նրա խոսքով՝ աշխարհը, որտեղ Ռուսաստանը, Չինաստանը եւ Հյուսիսային Կորեան ունեն միջուկային զենք, իսկ ՆԱՏՕ-ն չունի, չի կարելի անվանել անվտանգ: Ահա թե ինչու ՆԱՏՕ-ի անվտանգության երաշխիքը դաշնակիցների ռազմավարական միջուկային ուժերն են, մասնավորապես՝ ԱՄՆ:
«Մենք պետք է պահպանենք անվտանգ եւ արդյունավետ զսպող միջուկային գործոնը: Միեւնույն ժամանակ, դաշնակիցները շարունակում են հավատարիմ մնալ միջուկային զենքի թվի կրճատմանը », - ասել է Ստոլտենբերգը` նշելով, որ ՆԱՏՕ-ի դաշնակիցները 90 տոկոսով կրճատել են Եվրոպայում իրենց միջուկային զինանոցը: