Մեքսիկայում կալանավորվել է 10 ամենափնտրվող հանցագործներից մեկը եւ արտաքսվել Լոս Անջելես: 41-ամյա Հեսուս Ռոբերտո Մունգույան Նեւադայի դատարանի առջեւ կկանգնի իր կնոջ` Շերիլ Սաքուեզի սպանության համար, հաղորդում է USA.one-ն:
Ինչպես հայտնում է ՀԴԲ հատուկ գործակալ Ահարոն Ռաուզը, մարդասպանը պետք է արտաքսվի Կալիֆորնիայի բանտ`առանց գրավի ազատելու իրավունքի:
29-ամյա Շերիլ Սաքուեզի մարմինը գտնվել էր 2008-ին Լաս Վեգասում՝ արյան մեջ թաթախված մեքենայի հետեւի նստատեղին: Շերիլին ուժեղ ծեծել էին, նա ուներ գանգի կոտրվածք, իսկ պարանոցը փաթաթված էր մետաղական լարերով:
