Փարքլենդի «Մարջորի Սթոունմեն Դուգլաս» դպրոցի շենքը, որտեղ ավելի վաղ դպրոցի նախկին աշակերտներից Նիկոլաս Քրուզը կրակելով սպանել էր 17 մարդու, կտեղաափոխվի։ Այս մասին հաղորդել է Associated Press գործակալությունը՝ վկայակոչելով Բրոուարդ շրջանի դպրոցական խորհրդի անդամների նախնական քննարկումները։
Գործակալության տվյալներով՝ եռհարկանի շենքի տեղափոխման գաղափարն արդեն քննարկվել է Ֆլորիդա նահանգի օրենսդիր ժողովի հետ։ Ֆլորիդա նահանգի սենատոր Բիլ Գալվանոն դպրոցի նոր շենքի կառուցման ծախսերը հաշվարկել է 30 մլն դոլար։
Բրոուարդ շրջանի շերիֆ Սքոտ Իսրայելը հայտարարել է, որ իրավապահ մարմինները վերջին մի քանի տարվա ընթացքում շուրջ 20 դիմում են ստացել Նիկոլաս Քրուզի վերաբերյալ։
Շերիֆի խոսքով՝ հետաքննություն է իրականացվում, թե ոստիկանները պատշաճ կերպով արձագանքնել են այդ դիմումներին։
Բացի դրանից, Ֆլորիդայի նահանգապետը պահանջել է Դաշնային հետախուզության բյուրոյի ղեկավարի հրաժարականը` «Ֆլորիդայի հրձիգի» մասին նախազգուշացումներից հետո ծառայության անգործության պատճառով:
Հիշեցնենք, որ փետրվարի 14-ին Ֆլորիդայի դպրոցներից մեկում 19-ամյա Նիկոլաս Քրուզը կրակ էր բացել աշակերտների ու ուսուցիչների վրա AR-15 հրազենով, որը ամերիկյան ոստիկանությունն է գործածում ու որը վաճառվում է որսորդական խանութներում։ Հրաձգության հետեւանքով 17 մարդ էր զոհվել։
Մահապատժից խուսափելու համար Ֆլորիդայի հրաձիգը պատրաստ է գործարք կնքել քննիչների հետ
Թրամփը այցելել է Ֆլորիդայի դպրոցում հրաձգության հետեւանքով տուժածներին