Ադրբեջանի եւ Միացյալ Թագավորության պաշտպանության նախարարությունների միջեւ 2018/2019 ֆինանսական տարվա ռազմական համագործակցության ծրագիր է ստորագրվել:
Haqqin.az-ը, վկայակոչելով Ադրբեջանի ՊՆ-ին, հաղորդում է, որ ծրագիրը ստորագրվել է Լոնդոնում Ադրբեջանի եւ Մեծ Բրիտանիայի պաշտպանության նախարարությունների միջեւ շտաբերի բանակցությունների արդյունքում:
Միջոցառման ժամանակ քննարկվել են պաշտպանական ոլորտում առկա իրավիճակը եւ երկու երկրների միջեւ պաշտպանական ոլորտում համագործակցության հեռանկարային ուղղությունները, քննարկվել են ուսուցման եւ կրթության բնագավառում համագործակցության հարցերը, ինչպես նաեւ մտքեր են փոխանակվել տարածաշրջանային անվտանգության հարցերի վերաբերյալ: