Բորժոմի քաղաքն ու հարեւան ձմեռային հանգստավայր Բակուրիանին կապող երկաթուղիու ռելսերից ուղեւարատար գնացք է դուրս եկել, հայտնում է «Գրուզիա Օնլայնը»։
Միջադեպի արդյունքում ոչ ոք չի տուժել։ Նախնական տվյալներով՝ պատճառը ծռված ռելսն է եղել շրջադարձին։
«Գնացքը շարունակում է ուղեւորափոխադրումները իր սովորական ռեժիմով»,-հայտարարել է «Վրացիական երկաթուղիներ»-ի մամուլի ծառայության ղեկավար Դաչի Ցագուրիան։
Հին երկաթուղին, որը ժողովուրդը կոչում է «կկու», ունի հազվագյուտ նեղ՝ 900-միլիմետրանոց ռելսեր, որոնք համարվում են Վրաստանի մշակութային ժառանգության հուշարձաններ։