ԱՄՆ նախագահ Դոնալդ Թրամփը կարծում է, որ Հետաքննությունների դաշնային բյուրոն (ՀԴԲ) չափից ավելի շատ ժամանակ է հատկացնում 2016 թվականին նախագահական ընտրությունների ժամանակ իր օգնականի եւ Ռուսաստանի միջեւ դավադրությունն ապացուցելու փորձերին, ինչի հետեւանքով գերատեսչությունն աչքաթող է արել Նիկոլաս Քրուզին, որն անցյալ չորեքշաբթի Փարքլենդ քաղաքի դպրոցում (Ֆլորիդա նահանգ) 17 մարդու է գնդակահարել: Այս մասին նա նշել է Twitter-ի իր անձնական էջում, հայտնում է ՏԱՍՍ-ը:
«Շատ ցավալի է, որ ՀԴԲ-ն աչքաթող է արել բոլոր բազմաթիվ ազդանշանները, որոնք ուղարկել էր Ֆլորիդայի նահանգի դպրոցում հրաձգություն կազմակերպողը: Սա անընդունելի է»,- հայտարարել է Թրամփը: «Նրանք չափից ավելի շատ ժամանակ են ծախսում, որ ապացուցեն Թրամփի արշավի հետ ռուսական դավադրությունը՝ ոչ մի դավադրություն չի եղել: Վերադարձեք հիմքերին եւ մեզ բոլորիս հպարտանալու առիթ տվեք»,- հավելել է ԱՄՆ նախագահը:
Very sad that the FBI missed all of the many signals sent out by the Florida school shooter. This is not acceptable. They are spending too much time trying to prove Russian collusion with the Trump campaign - there is no collusion. Get back to the basics and make us all proud!
— Donald J. Trump (@realDonaldTrump) 18 февраля 2018 г.
Փարքլենդի դպրոցում հրաձգությանը զոհ էր գնացել 17 մարդ: Քրուզը նախկինում այս ուսումնական հաստատությունից հեռացվել էր: Սպանդի ժամանակ նա զինված էր կիսաավտոմատ AR-15 հրացանով, որն օգտագործում է ամերիկյան ոստիկանությունը եւ վաճառվում է որսորդական խանութներում: Հինգշաբթի Քրուզը կանգնել է դատարանի առաջ, որտեղ նրան պաշտոնապես մեղադրանքներ են ներկայացվել:
Մահապատժից խուսափելու համար Ֆլորիդայի հրաձիգը պատրաստ է գործարք կնքել քննիչների հետ
Թրամփը այցելել է Ֆլորիդայի դպրոցում հրաձգության հետեւանքով տուժածներին
Հրաձգություն Ֆլորիդայի դպրոցներից մեկում. զոհվել է 17 մարդ
ԱՄՆ ԱՆ-ն Ռուսաստանի 13 քաղաքացիների ու 3 ընկերության մեղադրել է ընտրություններին միջամտելու մեջ
ԱՄՆ մեղադրանքներն անհեթեթ են. Մարիա Զախարովա
Թրամփ. Ռուսաստանի հետ ոչ մի դավադրություն չի եղել
