Համաշխարհային կայունության համար ոչ մի բան այնպիսի վտանգ չի ներկայացնում, ինչպիսին կիբերհարձակումները, հայտարարել է Գերմանիայի պաշտպանության նախարար Ուրսուլա ֆոն դեր Լյայենը, հայտնում է CNBC-ն:
Նրա խոսքով՝ հատկապես կիբերհարձակումներն են ամենամեծ սպառնալիքը՝ խոսքն ինչպիսի հակառակորդի մասին էլ լինի, սա վերաբերում է նաեւ «Իսլամական պետությանը»: «Նրանք մեր դեմ պայքարելու համար օգտագործում են կիբերտարածքը»,- հեռուստաալիքի եթերում շեշտել է նա:
Ֆոն դեր Լյայենի կարծիքով՝ տեղեկատվական համակարգերի պաշտպանության ապահովումը կդառնա տարբեր երկրների եւ ընկերությունների ղեկավարների գլխավոր խնդիրը:
«Այս տասնամյակը կդառնա կիբերանվտանգության ոլորտում եւ տեղեկատվության կառավարման բարելավումների տասնամյակ»,- ասել է նա:
