2011 թվականին Հյուսիսային Կորեայից Հարավային Կորեա փախած կինը կալանավորվել է Փհենյանին օգնություն ցուցաբերելու համար: Այս մասին փետրվարի 18-ին հայտնել է Yonhap գոծակալությունը՝ վկայակոչելով Սուվոն քաղաքի դատախազությանը:
Գործակալության տեղեկություններով՝ 49-ամյա կինը, ում անունը չի հրապարակվում, մեղադրվում է Հյուսիսային Կորեա մոտ 105 մլն վոն (97 հազար դոլար) գումարի 130 տոննա բրինձ ուղարկելու համար: Մեղադրողների խոսքով՝ բեռը Փհենյան է մատակարարվել Չինաստանում միջնորդի միջոցով: Ընդամենը նման 2 դեպք է եղել, որոնք իրականացվել են անցյալ տարի: Նշվում է, որ ձերբակալվելուց առաջ կինը պատրաստվում էր Փհենյան ուղարկել բրինձի եւս մեկ խմբաքանակ:
Գործակալության տեղեկություններով՝ կինը վաճառել է Հյուսիսային Կորեայում իր տունը եւ ազատվել անձնական իրերից: Փախստականը քննիչներին հայտնել է, որ ցանկացել է Հյուսիս վերադառնալ որդուն միանալու համար: