ԱՄՆ-ն դեռեւս չի պատրաստվում Հյուսիսային Կորեային նախազգուշական հարված հասցնել, սակայն շատ բան է կախված նրա առաջնորդ Կիմ Չեն Ընից: Այս մասին Մյունխենում ընթացող անվտանգության հարցերով համաժողովում հայտարարել է ամերիկացի սենատոր Ջեյմս Ռիշը, փոխանցվում է ՏԱՍՍ-ը:
«Ամեն ինչ մեկ մարդուց է կախված՝ Կիմ Չեն Ընից,- կարծում է նա: - Նրանք, ովքեր կասկածում են մեր նախագահի վճռականությանը, սխալվում են: Հետեւանքներն, իհարկե, դժվար է պատկերացնել»:
«Նախազգուշական հարվածի մասին առայժմ խոսք չկա,- շարունակել է նա: - ԱՄՆ վարչակազմը չի էլ ասել, որ դրան է ձգտում»:
«Էսկալացիայի դեպքում ամեն ինչ կարող է իսկական աղետի վերափոխվել»,- նախազգուշացրել է Ռիշը՝ Չիաստանին կոչ անելով ավելի ակտիվ դեր խաղալ Կորեական թերակղզում հակամարտության կարգավորման գործում:
