Հնդկաստանի հյուսիսարեւմտյան մասում հարսանյաց հանդեսի արարողության վայրից ոչ հեռու գազի բալոնի պայթյունի հետեւանքով 18 մարդ է զոհվել, հայտնում է India Today պարբերականը՝ վկայակոչելով տեղական ոստիկանությանը:
Պատահարը տեղի է ունեցել նախօրեին Ռաջասթհան նահանգի Բեավար քաղաքում: Պայթյունի հետեւանքով շենքը, որտեղ տեղի էր ունենում արարողությունը, փլուզվել է: Պատահարից հետո փրկարար ծառայությանը հաջողվել է փլատակների տակից դուրս բերել 9 մարդու, կիրակի մասնագետները դուրս են բերել եւս 9 զոհի մարմինները:
Տեղի ունեցածի հետեւանքով 18 մարդ էլ մարմնական վնասվածքներ է ստացել, որոնցից 6-ին արդեն հիվանդանոցից դուրս են գրել, 5-ի վիճակը կրիտիկական է: Ինչպես հայտարարել է տեղական վարչակազմի ներկայացուցիչը, 2 մարդ դեռեւս կարող է գտնվել փլատակների տակ, որոնման գործողությունը շարունակվում է:
