Ոչ մի երկիր միայնակ չի կարողանում պայքարել ահաբեկչության դեմ, եւ դրան հակազդելու համար անհրաժեշտ են ողջ միջազգային հանրության ջանքերը: Նման տեսակետ կիրակի օրը Մյունխենյան անվտանգության համաժողովի ժամանակ հայտնել է Եգիպտոսի ԱԳՆ-ի պաշտոնական ներկայացուցիչ Ահմեդ Աբու Զեյդը, փոխանցում է «ՏԱՍՍ»-ը:
«Ոչ մի պետություն միայնակ չի կարող իր տարածքում ահաբեկչական խմբավորումներ ոչնչացնել»,- վստահություն է հայտնել դիվանագետը: Նրա խոսքով՝ «ծայրահեղականներին ապահով ապաստան չտրամադրելը բոլոր երկրների ընդհանուր պարտքն է»:
«Ահաբեկչությունը որպես երեւույթ տարածվում է եւ այժմ այն սպառնում է ողջ աշխարհին՝ անկախ առանձին երկրների հասարակության զարգացումից, քաղաքական համակարգի մակարդակից, մշակութային կամ կրոնական առանձնահատկություններից»,- մանրամասնել է Աբու Զեյդը: