Ուկրաինայի նախագահ Պյոտր Պորոշենկոն փետրվանի 21-ին կհարցաքննվի Կիեւի դատարանի կողմից որպես վկա երկրի նախկին նախագահ Վիկտոր Յանուկովիչի պետական դավաճանության գործով: Այս մասին կիրակի օրը հայտնել է դատախազ Ռուսլան Կրավչենկոն, փոխանցում է «ՈՒՆՆ»-ն:
Պորոշենկոն կներկայանա դատարան որպես վկա Յանուկովիչի նկատմամբ պատերազմի վարմանը խթանման, տարածքային ամբողջականության ու Ուկրաինայի անձեռնմխելիության նկատմամբ ոտնձգության համար մեղադրանքի գործով: Ըստ Կրավչենկոյի՝ Պորոշենկոյի հարցաքննությամբ դատախազության կողմից վկաների հարցաքննությունը կավարտվի:
Այսօր ավելի վաղ Պորոշենկոն հայտարարել էր, որ մտադիր է մասնակցել 2013-14 թվականների ձմռանը «Մայդանում» տեղի ունեցած գնդակահարությունների գործով դատավարությանը: Միեւնույն ժամանակ, նա նշել էր, որ բավարարված չէ քրեական գործի հետաքննության տեմպով:
