Վենեսուելայի նախագահն ու երկրի բարձրաստիճան պաշտոնյաները նկարահանվել են խուլերի եւ համրերի համար նկարահանված հեռուստատեսային տեսահոլովակում, որտեղ նրանք օգտագործում են միայն ժեստերի լեզու, հաղորդում է «ՌԻԱ Նովոստի»-ն։
«Ես նախագահ Նիկոլաս Մադուրոն եմ: Ողջունում եմ բոլորին: Մենք խաղաղություն ենք ցանկանում, մենք միասնություն ենք ցանկանում: Մենք ցանկանում ենք մեկ Վենեսուելա բոլորիս համար: Շատերը չեն ցանկանում լսել մեզ, բայց մենք կշարունակենք խոսել: Մենք հանգիստ եւ հարգանքով ասում ենք ձեզ, որ դուք բոլորդ մեզ պետք եք՝ երիտասարդներ, կանայք, ավագ սերնդի ներկայացուցիչներ, երեխաներ, մեծահասակներ: Մենք ունենք հզոր առաջնորդ, եւ ես նրան լավ եմ ճանաչում: Միասին ամեն ինչ հնարավոր է», -ասել է վենեսուելական քաղաքական գործիչները:
«Մենք խաղաղ մարդիկ ենք» խորագիրը կրող հոլովակը հեռարձակվել է կիրակի՝ փետրվարի 18-ին, Վենեսուելայի հեռուստատեսությամբ: Հոլովակում մասնակցում ենն նախագահը, փոխնախագահ Թարեք Էլ Աիսամին, կապի եւ տեղեկատվության նախարար Խորխե Ռոդրիգեսը, Ազգային հիմնադիր ժողովի ղեկավար Դելսի Ռոդրիգեսը եւ Մադուրոյի կինը` Սիլիա Ֆլորեսը:
Queremos una Venezuela Unida, queremos una Venezuela en Paz... Queremos una Venezuela para Todos. No necesitamos levantar la voz para decirlo: Juntos todo es posible. pic.twitter.com/ETiVmfoanG
— Nicolás Maduro (@NicolasMaduro) 19 февраля 2018 г.