Հյուսիսային Կորեան զգուշացրել է Միացյալ Նահանգներին Հարավային Կորեայի հետ համատեղ զորավարժությունների վերսկսման հարցով: Այս մասին ասվում է Հյուսիսային Կորեայի Rodong կենտրոնական թերթում հրապարակած հոդվածում, փոխանցում է ՏԱՍՍ-ը:
«ԱՄՆ-ն մտադիր է վերջ դնել միջկորեական բարելավվող հարաբերություններին անմիջապես այն բանից հետո, երբ կհանգչի Օլիմպիական կրակը: Վաշինգթոնն աղմուկ է բարձրացնում, որ Սեուլի հետ զորավարժությունները պետք է վերսկսվեն օլիմպիական խաղերի ավարտից անմիջապես հետո», - ասվում է հոդվածում:
Թերթը զգուշացրել է, որ Վաշինգթոնի քաղաքականության պատճառով տարածաշրջանում լարվածությունն աճում է: «ԱՄՆ ռազմավարական զինանոցը եւ նրանց բազմամարդ զորքերը կենտրոնացած են Կորեական թերակղզում, հարեւան երկրներում եւ տարածքներում», - գրում է թերթը:
Հիշեցնենք, որ այւս տարվա սկզբին նկատվել են Հյուսիսային եւ Հարավային Կորեաների միջեւ հարաբեերությունների ջերմացում։