Վստահ եմ, եթե Արմեն Սարգսյանը դառնա Հայաստանի նախագահ, մեր երկիրը դրանից շատ կշահի: Այս մասին, այսօր՝ փետրվարի 19-ին, լրագրողների հետ հանդիպման ժամանակ նշել է Հայաստանի ԿԳ նախարար Լեւոն Մկրտչյանը:
Նա նշեց, որ ՀՀԿ կողմից առաջադրված նախագահի թեկնածուի հետ տարիների մտերմություն եւ համագործակցության փորձ ունի. «Նա մարդ է, որը ունի երկրի ապագայի զարգացման ամբողջական տեսլական»:
Հարցին, թե Արմեն Սարգսյանը խոսել է Հայաստանում կրթության խնդիրներից եւ ասել է, որ ոլորտում շատ բացեր կան, Լեւոն Մկրտչյանը պատասխանեց. «ՀՅԴ կենտրոնական գրասենյակում Արմեն Սարգսյանի հետ հանդիպման ժամանակ խոսել ենք կրթության խնդիրներից։ Մենք եկել ենք որակական մի աստիճանի վրա, երբ պետք է ձեւը ամբողջությամբ լուծվի բովանդակությամբ։ Աշխարհում կրթական համակարգը որոնումների մեջ է, այստեղ է, որ պարոն Սարգսյանը շատ օգտակար կարող է լինել նաեւ իր քեմբրիջյան փորձով։ Այն մասնագիտությունները, որ մենք ուսուցանում ենք, աշխարհում առաջիկա 6-7 տարվա ընթացքում նրանց մեծ մասը կարող է գոյություն չունենալ»։
Նրա խոսքով, եթե խոսվում է բարձր որակի կրթության մասին, ապա պետք է ունենալ պայմաններ, վերջին խոսքի լաբորատոր պայմաններ. «Երկրորդ կարեւոր պահը կա, որ գիտելիքը ոչ միայն գիտելիք է, այլեւ մի բան, որը մենք կոչում ենք դաստիարակություն:
