Հոլանդիայի խորհրդարանի օրակարգում քննարկվելիք Հայոց ցեղասպանությունը ճանաչող նախագծերի հետ կապված Թուրքիայում Հոլանդիայի դեսպանության գործերով հավատարմատարը կանչվել է երկրի ԱԳՆ։
Թուրքական Haberler–ի փոխանցմամբ՝ Թուրքիայի ԱԳՆ–ում Հոլանդիայի դեսպանության գործերով հավատարմատարին Թուրքիայի դժգոհություն են փոխանցել Հոլանդիայի խորհրդարանի օրակարգում գտնվող Հայոց ցեղասպանությունը ճանաչող նախագծերի հետ կապված։
Նշենք, որ Հոլանդիան տարիներ առաջ է ճանաչել Հայոց ցեղասպանությունը, սակայն նոր նախագծով նախատեսվում է ապրիլի 24–ին նախարարի մակարդակով այցելություն ապահովել Երեւանում Հայոց ցեղասպանության զոհերի հուշահամալիրում։