Ռուսաստանի եւ Թուրքիայի նախագահներ Վլադիմիր Պուտինը եւ Ռեջեփ Էրդողանը հեռախոսազրույցի ընթացքում քննարկվել են թուրքական ռազմական գործողությունները սիրիական Աֆրինում:
Ինչպես հայտնում է Կրեմլի մամուլի ծառայությունը, Սիրիայում տիրող իրավիճակի քննարկման ժամանակ հատուկ ուշադրություն է դարձվել Աստանայի ձեւաչափում համագործակցության հետագա ամրապնդմանը: Վերահաստատվել է Ռուսաստանի, Թուրքիայի եւ Իրանի ջանքերի սերտ համաձայնեցման պատրաստակամությունը՝ ապաէսկալացման գոտիների արդյունավետ գործունեության ապահովման եւ քաղաքական գործընթացների խթանման, Սոչիում Սիրիայի ազգային երկխոսության կոնգրեսում ձեռք բերված պայմանավորվածությունների զարգացման նպատակով:
Կողմերն առանձին անդրադարձել են Սիրիայի հյուսիս-արեւմուտքում ստեղծված իրավիճակին, այդ թվում նաեւ՝ Աֆրինում Թուրքիայի ռազմական գործողություններին: Զրուցակիցներն ընդգծել են ռուս-թուրքական համագործակցության զարգացման դրական դինամիկան եւ պայմանավորվել են մոտ ապագայում տարբեր մակարդակներում տարբեր հանդիպումներ անցկացնել: