Գերմանիան 3 անգամ կավելացնի զինվորների թիվը, որոնք այս տարի կմասնակցեն ՆԱՏՕ-ի՝ Ռուսաստանի զսպմանն ուղղված զորավարժություններին: Դաշինքի արեւելյան եւ հյուսիսային տարածքներում զորավարժություններին մասնակցության համար Գերմանիան 12 հազար զինվոր եւ սպա կուղարկի: Անցյալ տարի 4000 զինվոր էր ուղարկվել, հայտնում է DW- ն:
Գերմանիայի Դաշնային Հանրապետության պաշտպանության նախարարության փաստաթղթերից այս տվյալները հրապարակվել են փետրվարի 19-ին dpa գործակալության կողմից: Գերմանիայի՝ զորավարժություններին մասնակցության ծախսերը 50 միլիոնից 90 միլիոն եվրոյի կհասնեն:
Նշենք, որ ՆԱՏՕ-ի զորավարժությունները կանցկացվեն հոկտեմբերի 25-ից մինչեւ նոյեմբերի 23-ը Նորվեգիայում, Բալթիկ ծովում եւ Հյուսիսատլանտյան օվկիանոսի հյուսիսում: