Պակիստանի պաշտպանության նախարար Խուրամ Դաստիգիրը հայտարարել է, որ Սաուդյան Արաբիայում 1000 պակիստանցի զինծառայոգղների տեղակայումը չի խախտում Եմենում ռազմական գործողությունների մասնակցության դեմ խորհրդարանական բանաձեւը, հաղորդում է AP-ն:
Նրա խոսքով, Պակիստանի զինվորականները կսովորեցնեն եւ խորհրդակցություն կանցկացնեն սաուդյան զինվորների հետ`համաձայն երկկողմ համաձայնագրի եւ չեն մասնակցի ռազմական գործողություններին: Նա նշել է, որ Պակիստանի զինվորականները տիրապետում են լեռներում պատերազմի եւ ահաբեկչության դեմ պայքարելու հմտություններին, ինչը կարող է օգտակար լինել Սաուդյան Արաբիայի զինվորների համար:
Սաուդյան Արաբիան հուսով է, որ Պակիստանը ռազմական օգնություն կցուցաբերի Եմենում, որտեղ 2015 թվականի մարտից նա ղեկավարում է կոալիցիա, որը պայքարում է հութիի ապստամբների դեմ:
Պակիստանի խորհրդարանը երեք տարի առաջ միաձայն ընդունեց բանաձեւ`հայտարարելով, որ չի օգնի կոալիցիային զորքերով:
