Սիրիայի բանակի եւ քրդերի միջեւ դեռւես բացակայում են պայմանավորվածություներն այն մասին, որ Բաշար Ասադի բանակը կմտնի քրդերի կողմից վերահսկվող Աֆրինի տարածք, որպեսզի կանխի թրքամետ կազմավորումների առաջխաղացումը: Այս մասին ՌԲԿ-ին հայտարարել է Դեմոկրատական միություն (PYD) քրդական կուսակցության ղեկավար Սիխանոկ Դիբոի ներկայացուցիչը:
«Այսօրվա դրությամբ Դամասկոսի հետ համաձայնություն ձեռք չի բերվել, այդ մասին բոլոր լուրերը սխալ են», - ասել է նա:
Կիրակի՝ փետրվարի 18-ին, Աֆրինի վարչակազմի խորհրդական, բարձրաստիճան քուրդ պաշտոնյան Բադրան Չիա Կուրդը Reuters-ին, ասել էր, որ քրդական զինված կազմավորումները համաձայնության են եկել Սիրիայի բանակի հետ`Աֆրինում նրա զորամասերի տեղակայման մասին, այդ տարածքում թուրքական ռազմական գործողությունը զսպելու նպատակով: Կուրդի կարծիքով, առաջիկա երկու օրվա ընթացքում կառավարական զորքերը կարող են մտնել շրջան: