Փետրվարի 22-ից սկսած սաստիկ սառնամանիքներ են կանխատեսվում Եվրոպայի գրեթե բոլոր երկրներում, իսկ Հայաստանն այս անգամ եւս դուրս կմնա ցուրտ օդային հոսանքների գոտուց:
Արկտիկական ցուրտ օդային հոսանքները արեւմտյան սիբիրից ներխուժում են Ռուսաստանի եվրոպական մաս, իսկ այստեղից դեպի Եվրոպա, հասնելով մինչեւ Իսպանիա եւ Պորտուգալիա։ Ըստ կանխատեսումների Եվրոպայի առանձին հատվածներում օդի ջերմաստիճանը կհասնի -25․․․-30 աստիճանի, որը կպահպանի բավականին տեւական ժամանակ։
ԱԻՆ հիդրոմետ ծառայության օդերեւութաբանության կենտրոնի կանխատեսումների համաձայն, Հայաստանը այս անգամ նույնպես դուրս է մնում ցուրտ օդային հոսանքների ներխուժման գոտուց, մեզ մոտ ճիշտ հակառակ երեւույթն է տեղի ունենում, հարավ-արեւմուտքից ակտիվանում են արեւադարձային տաք օդային հոսանքները, ինչի արդյունքում մինչեւ փետրվարի 25-ը օդի ջերմաստիճանը երեկվա համեմատ աստիճանաբար բարձրանալու է 5-6 աստիճանով։