Ճապոնիայի Հոնսյու կղզու հյուսիսում ամերիկյան F-16 կործանիչի օդաչուն ստիպված էր վառելիքի բաքերը լիճը նետել, երբ բռնկվել է օդանավի շարժիչը: Այս մասին լրագրողներին հայտնել է Ճապոնիայի պաշտպանության նախարար Իցունորի Օնոդերան, փոխանցում է «Ինտերֆաքսը»:
Նրա խոսքով՝ բռնկումը սկսվել է Աոմորի պրեֆեկտուրայի ամերիկյան «Միսավա» ավիաբազայից F-16-ի օդ բարձրանալուց կարճ ժամանակ անց: Արդյունքում օդաչուն մինչ բազա վերադառնալը վառելիքի բաքերը նետել է բազայից հյուսիս գտնվող Օգավարա լճի մեջ:
Օնոդերան նշել է, որ նման միջոցառում է ձեռնարկվել անվանգության նկատառումներով: Նա հստակեցրել է, որ այս պատահարի հետ կապված ավերածությունների եւ տուժողների մասին տեղեկություններ չեն ստացվել: