Իսլամական հեղափոխության պահպանների կորպուսը (ԻՀՊԿ) հայտնել է, որ իրանցի զինվորականները ուղղաթիռներից պարզել են ATR օդանավի տեղադրությունը, որը կործանվել էր կիրակի երկրի կենտրոնական մասում, հայտնում է Press TV-ն:
ԻՀՊԿ պաշտոնական ներկայացուցիչ Ռամեզան Շարիֆը երեքշաբթի հայտարարել է, որ օդանավի մասերը հայտնաբերվել են Դենա լեռնաշղթայի շրջանում:
Aseman Airlines ավիաընկերության ATR-72 օդանավը, որը Թեհրան-Յասուջ ներքին չվերթ էր իրականացնում, կիրակի ռադարներից անհետացել է թռիչքը սկսելուց 50 րոպե հետո: Օդանավը կործանվել է Իսպահան նահանգի Սեմիրոմ քաղաքի շրջանում՝ մխրճվելով Դենա լեռնաշղթայի մեջ: Օդանավում եղել է 66 մարդ՝ 60 ուղեւոր, այդ թվում՝ մեկ երեխա, եւ անձնակազմի 6 անդամ: Նախնական տեղեկություններով՝ բոլորը զոհվել են: