Անթալիայի ոստիկանության կազմակերպված հանցավորության դեմ բաժնի աշխատակիցները քաղաքացիների բողոքների հիման վրա իրականացրած ուսումնասիրության արդյունքում ձերբակալել են թույլատրված վայրերում կայանած մեքենաները տուգանային հրապարակ տեղափոխած ոստիկաններին։
Թուրքական Cumhuriyet–ի փոխանցմամբ՝ Անթալիայի ոստիկանության որոշ աշխատակիցներ համաձայնության են եկել տուգանային հրապարակի աշխատակիցների հետ եւ թույլատրված վայրերում կայանված մեքենաները տեղափոխել են տուգանային հրապարակ։
Ոստիկաններն ու տուգանային հրապարակի աշխատակիցները ամեն մեքենայի վարորդից ստացած կաշառքը կիսվել են։
Այս փաստերն ուսումնասիրած Անթալիայի կազմակերպված հանցավորության դեմ պայքարի աշխատակիցները հետեւել են հիշյալ ոստիկաններին եւ ապացույցներ ձեռք բերելուց հետո ձերբակալել նրանց։