Պետական գույքի կառավարման վարչությունը չի կարող ասել, թե ինչ ճակատագիր կունենան նախկին Երիտասարդական պալատն ու «Զվարթնոց» օդանավակայանը:
«Ես կարող եմ միայն պատասխանել այն հարցերին, որը մեր ենթակայության ներքո է: Նախկին Երիտասարդական պալատի շենքը պետգույքի մասնավորեցման կամ սեփականաշնորհման գործընթաց չի անցել, եւ երբեւէ կապ չի ունեցել մեր գերատեսչության հետ: Այն ժամանակին օտարվել է սնանկացման գործընթացով», - այսօր՝ փետրվարի 20-ին, լրագրողների հետ հանդիպման ժամանակ նշեց Պետական գույքի կառավարման վարչության պետ Արման Սահակյանը:
Ինչ վերաբերում է «Զվարթնոցին», Արման Սահակյանն ասաց, որ օդանավակայանը հանձնված է կոնցեսիոն կառավարման եւ այդ հարցին լավագույն պատասխանները կհնչեցնեն Քաղաքաշինության պետական կոմիտեն ու Երեւանի քաղաքապետարանը. «Դա մեր գործառույթներին չի առնչվում»,-ասաց նա:
