2017 թվականին պետական գույքի օտարումից ստացվող եկամուտը 2016 թվականի համեմատ աճել է գրեթե 5 անգամ՝ կազմելով 685.7 մլն դրամ: Այս մասին փետրվարի 20-ին մամուլի ասուլիսի ժամանակ հայտարարեց ՀՀ կառավարությանն առընթեր պետական գույքի կառավարման վարչության պետ Արման Սահակյանը:
Ըստ նրա՝ պետական գույքի մասնավորեցումից ֆինանսների ներհոսքը աճել է 5.5 տոկոսով՝ կազմելով 66.4 մլն դրամ: Պետական հողերի կադաստրային արժեքի վճարումներից ստացվող եկամուտը կազմել է 367.4 մլն դրամ, ինչը 8.5 անգամ գերազանցում է 2016 թվականի ցուցանիշը: Պետական գույքի վարձակալությունից ստացվող եկամուտը կազմել է 398.5 մլն դրամ՝ տարեկան 8 տոկոս կտրվածքով:
«Հաշվետու տարվա ընթացքում արմատական բարեփոխումներ են իրականացվել աճուրդների նախապատրաստման եւ կազմակերպման ոլորտում, ինչի արդյունքում աննախադեպ քանակական եւ որակական ցուցանիշներ են արձանագրվել»,- նշեց Սահակյանը: Նաեւ շարունակեց, որ 2016-2017 թվականներին 164.2 մլն դրամի 704 տրանսպորտային միջոցներ է վաճառվել, ինչին հնարավոր է եղել հասնել հանրությանը պետական գույքի վաճառքի մասին, ինչպես նաեւ որոշ տեղերում աճուրդների անցկացման եւ գույքի կարգավիճակի մասին տեղեկատվության տրամադրման շնորհիվ:
«Մրցակցային միջավայրի ապահովման շնորհիվ վաճառքները մեկնարկային արժեքի համեմատ 2016 թվականին 103 տոկոսը 117-ի դիմաց են կազմել», - ավելացրել է նա: Զգալի աճել են նսեւ շենքերի եւ շինությունների տանիքներին հեռահաղորդակցության սարքավորումների տեղադրումից եւ սպասարկումից ստացվող եկամուտները՝ 75 տոկոսով՝ մինչեւ 156.2 մլն դրամ: