News
Լրահոս
News
Երեքշաբթի
Մարտ 19
Տեսնել լրահոսը


Արթիկ քաղաքում դպրոցի շենքում, որը դեռ դեկտեմբերին անհատույց հանձնվել է ԱԺ ՀՀԿ խմբակցության պատգամավոր, գործարար Սամվել Ալեքսանյանի դստեր ընկերությանը, 2 մլն դոլարի ներդրում կիրականացվի: Այս մասին, այսօր՝ փետրվարի 20-ին, իր ամփոփիչ ասուլիսի ժամանակ հայտարարել է պետական գույքի կառավարման վարչության պետ Արման Սահակյանը:

«Մենք հետեւում ենք, դրանք ամբողջությամբ պայմանագրային պարտավորություններ են: Ես խնդրում եմ՝ չտարանջատենք, թե ում է հանձնված այց գույքը: Եթե կա ներդրում, եթե մարդիկ ցանկանում են զբաղվել բիզնեսով, պետությունը չպետք է խոչընդոտ հանդիսանա: մենք մեր մասով, պետգույքի կառավարման վարչությունը պատրաստ է ցանկացած ներդրողի ձեռքը բռնել եւ մինչեւ վերջ գործընթացը տանել»,-ասաց Սահակյանը:

Հարցին, թե մինչ այդ դպրոցն արդեն չէ՞ր գործում, նա արձագանքեց. «Չասենք դպրոց, որովհետեւ պետական գույքը տարբեր ծրագրերի ներքո տրվում է անհատույց օգտագործման: Այսինքն եթե ժամանակին անհատույց տրվել է ԿԳՆ-ին, որ այնտեղ ծրագիր իրականացնի եւ այլեւս ծրագիր չի իրականացնում, ապա մենք դա պետք է դիտարկենք որպես պետական սեփականություն: Մենք չենք թողնում, որ պետական սեփականությունը թալանվի, օտարվի: Մենք շահագրգռված ենք, որ խոչընդոտ չլինենք բիզնեսին, մեր չօգտագործվող գույքը տանք բիզնեսին, որ մարզերում ներդրումներ իրականացնեն եւ աշխատատեղեր ստեղծեն»:

Ավելի վաղ NEWS.am-ը հայտնել էր, որ կառավարության` դեկտեմբերի 14-ի նիստում որոշվել է Արթիկում գտնվող դպրոցներից մեկի շենքը 20 տարով անհատույց օգտագործման իրավունքով հանձնվել է ԱԺ ՀՀԿ խմբակցության պատգամավոր Սամվել Ալեքսանյանի դստերը պատկանող ընկերությանը:

Նախագծի հիմնավորման մեջ նշված էր, որ  96 543 000 ՀՀ դրամ գնաահատված արժեքով 7316.7 քառ.մետր ընդհանուր մակերեսով դպրոցի շենքը (երկու հարկ եւ նկուղ), հարակից ենթակայանը, օժանդակ շինությունը, պարիսպը եւ հողատարածքը անհատույց օգտագործման իրավունքով 20 տարի ժամկետով հանձնել «Չեխ-Արմ-Ինվեստ» սահմանափակ պատասխանատվությամբ ընկերությանն՝ իր կողմից ներկայացված ծրագրով նախատեսված աշխատանքների իրականացման նպատակով:

Հատկանշականն  այն է, որ  այս ընկերության 50 տոկոսի բաժնետերը  Սամվել Ալեքսանյանի դուստրն է՝ Աստղիկ Ալեքսանյանը: Մյուս 50 տոկոս բաժնեմասը պատկանում է Չեխիայի Հանրապետությունում գրանցված «GALYA STYEL» ընկերությանը:

Ներդրումները կուղղվեն անշարժ գույքի վերանորոգման եւ արտադրության համար անհրաժեշտ սարքավորումների ձեռք բերմանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Համլետ Սահակյանը նշանակվել է ՊԵԿ նախագահի առաջին տեղակալ
Ղեկավարվելով «Հանրային ծառայության մասին» օրենքի 9-րդ հոդվածի 4-րդ մասով...
«Fly Arna» ավիաընկերության լիցենզիան դադարեցվել է ինքնաթիռներ չունենալու պատճառով. փոխնախարար
«Fly Arna» ավիաընկերության լիցենզիան դադարեցվել է...
ՀՀ-ում կզրկեն արտասահմանում կազմակերպված ինտերնետ տոտալիզատորներին մասնակցելու հնարավորությունից
Պետք է արգելվի արտասահմանում կազմակերպված ինտերնետ տոտալիզատորներին մասնակցելու հնարավորությունը...
ՀՀ իշխանությունները հրաժարվել են մասնավորեցնել Վրաստանի սահմանին մոտ գտնվող օդանավակայանը
Ստեփանավանի մոտ գտնվող օդանավակայանը հանվել է մասնավորեցման ենթակա գույքի ցուցակից...
Նախատեսվում է պետական տուրք մտցնել քաղավիացիայի շրջանակում մատուցվող ծառայությունների 13 տեսակների համար
Պետական տուրք մատուցվող ծառայությունների համար...
ՊԵԿ-ը 10 միլիոն դրամով տուգանել է «Երևան Սիթի»-ին
Պետական եկամուտների կոմիտեն տեղեկացնում է, որ 2024 թվականի փետրվար...
Ամենաշատ