News
Լրահոս
News
Երեքշաբթի
Մարտ 19
Տեսնել լրահոսը

ՀՀ ԳՆ  սննդամթերքի անվտանգության պետական ծառայության պետ Իշխան Կարապետյանը փետրվարի 20-ին ընդունել է ՄԱԿ-ի Պարենի եւ գյուղատնտեսության տարածաշրջանային կազմակերպության (FAO) միջազգային փորձագետ Կուտիմ Մերսինիին, Վրաստանի փորձագետներ Ռեվազ Սենաձեին եւ Ալեքսանդր Կաշաիշվիլիին:  Հանդիպմանը ներկա էին պատասխանատու պաշտոնյաներ գյուղատնտեսության նախարարությունից եւ Ծառայությունից:

ՍԱՊԾ-ից NEWS.am-ին հայտնում են, որ Պարենի եւ գյուղատնտեսության կազմակերպությունն իրականացնում է գյուղատնտեսական կենդանիների նույնականացման եւ համարակալման համակարգի ներդրմանն ուղղված տարածաշրջանային ծրագիր, որի շրջանակներում Վրաստանում որոշակի միջոցառումներ են արվել: Սննդամթերքի անվտանգության պետական ծառայության կողմից, «Ագրոբիզնեսի եւ գյուղի զարգացման կենտրոն» (CARD) հիմնադրամի հետ եւ միջազգային այլ կառույցների աջակցությամբ, Հայաստանում նույնպես ծրագիրն արդեն մշակվել է:

Այս համատեքստում հայ եւ վրացի գործընկերները տեղեկատվություն են փոխանակել երկու երկրներում կենդանիների համարակալման նպատակով իրականացվող ընթացիկ աշխատանքների եւ նախատեսվող միջոցառումների վերաբերյալ: Նաեւ փաստել են, որ փորձի փոխանակումն այս ոլորտում կարեւոր նախադրյալ կլինի կենդանիների համարակալման ներդաշնակ եւ կենսունակ համակարգեր ունենալու հարցում՝ հատկապես միմյանց սահմանակից երկրներում գյուղատնտեսական կենդանիների հնարավոր տեղաշարժի պարագայում:

ՍԱՊԾ պետ Իշխան Կարապետյանը ներկայացրել է Ծառայության նախաձեռնությամբ մեկնարկած այն բոլոր միջոցառումներն ու ծրագրերը, որոնք կբերեն անասնաբուժության ոլորտում համալիր փոփոխությունների՝ անցում պարտադիր սպանդանոցային մորթի, համայնքային անասնաբույժների կարողությունների զարգացում, մսամթերքի դասակարգում եւ ռեյթինգավորում, սպանդանոցային ծագման մթերքն ուղեկցող փաստաթղթերի էլեկտրոնային համակարգի ներդրում: Նա ընդգծել է, որ կենդանիների համարակալումը առանցքային ուղղություն է այս փոփոխությունների շղթայում եւ զգալի դրական ազդեցություն կունենա սննդամթերքի անվտանգության տեսանկյունից՝ ապահովելով կենդական ծագման մթերքի հետագծելիությունն ու վերահսկելիությունը:

Փորձագետները ՍԱՊԾ մասնագետների հետ աշխատանքային կարգով քննարկել են համարակալման գործընթացի փուլերը եւ մեխանիզմները: Հայաստանում ծրագրի տեւողությունը գնահատվել է երեք տարի, նախապատրաստական որոշ փուլեր արդեն ավարտվել են, ներկայումս գյուղատնտեսության նախարարության եւ միջազգային կազմակերպությունների հետ համատեղ բանակցություններ են տարվում ծրագրի ֆինանսավորման ուղղությամբ:

Գործընկերները քննարկել են համագործակցության հնարավոր ուղղությունները՝ համարակալման ծրագիրը տարածաշրջանային մակարդակով հաջողությամբ իրականացնելու նպատակով:

Տպել
Կարդացեք նաև
Ամբողջը
ՀՀ-ում կզրկեն արտասահմանում կազմակերպված ինտերնետ տոտալիզատորներին մասնակցելու հնարավորությունից
Պետք է արգելվի արտասահմանում կազմակերպված ինտերնետ տոտալիզատորներին մասնակցելու հնարավորությունը...
ՀՀ իշխանությունները հրաժարվել են մասնավորեցնել Վրաստանի սահմանին մոտ գտնվող օդանավակայանը
Ստեփանավանի մոտ գտնվող օդանավակայանը հանվել է մասնավորեցման ենթակա գույքի ցուցակից...
ՊԵԿ-ը 10 միլիոն դրամով տուգանել է «Երևան Սիթի»-ին
Պետական եկամուտների կոմիտեն տեղեկացնում է, որ 2024 թվականի փետրվար...
«Փաստ». Իբր փողի խնդիր չկա, բայց գնում են թե՛ գների, թե՛ հարկերի դրույքաչափի բարձրացման ճանապարհով
Որպեսզի տնային տնտեսությունների պայմաններում կարողանանք եկամուտն ավելացնել, պետք է կա՛մ մի քանի...
Դոլարն ու եվրոն էժանացել են
ԱՄՆ դոլարի փոխարժեքն այսօր՝ մարտի 18-ին, կազմել է…
Կանանց տնտեսական զորեղացման ուղղությամբ ՀՀ կողմից իրականացվող ծրագրերը ներկայացվել են Նյու Յորքում քննարկման շրջանակում
Անդրադառնալով կին ձեռներեցների գործունեությանը խրախուսելու ՀՀ կառավարության քաղաքականությանը՝ նախարար Մկրտչյանն այս գործընթացում...
Ամենաշատ