Դուբայում առաջին վիլլաները, որոնք կստեղծվեն 3D տպագրության տեխնոլոգիայով, կհայտնվեն 2 ամսվա ընթացքում, հայտնում է Arabian Business պարբերականը:
Նման վիլլայի ստեղծման համար անհրաժեշտ բոլոր սարքավորումները եւ գործիքները արդեն Դուբայում են գտնվում, հայտնել են քաղաք-էմիրության քաղաքապետարանից: Նախագծի այլ մանրամասների մասին չի հաղորդվում:
Քաղաքում 2030 թվականին նոր շենքերի 25 տոկոսը «կտպագրվեն» այս ժամանակակից տեխնոլոգիայի միջոցով, ինչը կկրճատի շինարարական ծախսերը եւ ժամկետները:
Անցյալ տարվա փետրվարին Դուբայում բազավորված սթարթափերից մեկը հայտարարել էր, որ 3D տպագրության միջոցով աշխարհում առաջին երկնաքերը կկառուցի: