Ճապոնական Aspark ընկերությունը ներկայացրել է էլեկտրական սուպերքար, որը 1.9 վայրկյանում մինչեւ 96 կմ/ժ արագություն է զարգացնում: Այն կարողացել է գերազանցել Tesla Model S-ի ռեկորդը, որը անցյալ տարի ճանաչվել էր աշխարհում ամենաարագ թափավազք ունեցող (2.3 վայրկյանում) մեքենան, գրում է Fortune-ը:
Էլեկտրական մեքենան, որը անվանվել է Aspark Owl, գերազանցում է աշխարհում ամենաթանկ ավտոմեքենաների մեծամասնության արագացման ռեկորդը: 3 միլիոն դոլար արժեքով Bugatti Chiron-ն 2.3 վայրկյանում է արագություն զարգացնում, իսկ Lamborghini Aventador- ը՝ 2.7 վայրկյանում: