Սիսայդ Ստարտափ Սամմիթ Գոան տեղի կունենա 2018 թվականի մարտի 6-11: Ավելի քան 150 ստարտափեր հնարավորություն կստանա մասնակցելու աշխարհի տարբեր կողմերից հրավիրված դասախոսների դասախոսություններին, campfire զրույցներին, հաջողակ բիզնեսմենների վարպետության դասերին: Ստարտափերները կմասնակցեն մրցույթների՝ կախված իրենց ստարտափի գործունեության ոլորտից եւ զարգացման աստիճանից:
ՍիսայդՍտարտափ Սամմմիթը ոչ-ֆորմալ ստարտափ միջոցառում է, կազմակերպված վրանային ճամբարի ֆորմատով: Սամմիթի նպատակն է ստեղծել նոր հարթակ ստարտափ էկոհամակարգի շահառուների համար:
Առաջին անգամ սամմիթը կազմակերպվել է Հայաստանում 2016 թվականին: 2017 թվականին ունեցած հաջողությունից հետո միջոցառումն անցավ միջազգային մակարդակի՝ առաջին անգամ կազմակերպելով սամմիթը 2018-ի փետրվարի 8-12 Ռաս Ալ Խայմայում, ԱՄԷ:
Սամմիթը ստացել է կառավարական աջակցություն եւ կազմակերպվել է Ռաս Ալ Խեյմայի շեյխ Սաուդ Բին Սաքր Ալ Քասիմի բարձր հովանու ներքո:
Սիսայդ Ստարտափ Սամմիթ Հնդկաստանը նույնպես ձեռք է բերել կառավարական աջակցություն եւ կիրականացվի տեղական կառավարման մարմինների օգնությամբ: Հնդկաստանի կառավարության ներկայացուցիչները, Առեւտրի եւ Արդյունաբերության նախարար Սուրեշ Պրաբհունը, Գոայի նախարար Մանոհար Պարիկարը, Գոայի մարզպետ Մրիդուլա Շարման ներկա կլինեն կայանլիք միջոցառմանը: Ինչպես Ռաս Ալ Խայմայում վառվեց նորարարական կրակը շեյխի կողմից, Հնդկաստանում այն կվառվի նախարարի կողմից:
Սամմիթին կմասնակցեն բիզնես առաջնորդներ ամբողջ Հնդկաստանից, կստեղծվի նոր հարթակ համագործակցության համար: Նախատեսում ենք ունենալ շուրջ 800.000 ԱՄՆ դոլար ներդրումային պայմանավորվածություն եւ 50.000 ԱՄՆ դոլար մրցանակային ֆոնդ:
Երկու կողմերի կառավարական աջակցությունը կձեւավորի մի նոր տնտեսական համագործակցություն եւ կստեղծի հարթակ՝ գիտելիքի փոխանակման համար։
Հավելյալ տեղեկության համար այցելեք՝ http://seasidestartupsummit.in/ ։