ԱՄՆ-ն պատրաստ է պաղեստինցիների հետ երկխոսության: Այս մասին հայտարարել է ՄԱԿ-ում ԱՄՆ մշտական ներկայացուցիչ Նիկի Հեյլին` ՄԱԿ Անվտանգության խորհրդի նիստում դիմելով Պաղեստինի նախագահ Մահմուդ Աբասին, հաղորդում է Reuters-ը:
«Մեր բանակցողները նստած են հենց իմ հետեւում, նրանք պատրաստ են խոսել, բայց մենք ձեր հետեւից չենք ընկնի: Ընտրությունը ձերն է» , - ասել է Հեյլին:
Սակայն Աբասը նրա ելույթից գրեթե անմիջապես հետո լքել է նիստերի դահլիճը:
ԱՄՆ նախագահ Դոնալդ Թրամփի խորհրդական, փեսա Ջարեդ Քուշները եւ Մերձավոր Արեւելքում ԱՄՆ դեսպանորդ Ջեյսոն Գրիբլաթը, ովքեր աշխատում են Մերձավոր Արեւելքում նոր խաղաղ ծրագրի վրա, նստած էին Հեյլիի հետեւում: