ՄԱԿ-ը ողջունում է երկու պետությունների սկզբունքների հիման վրա Իսրայելի եւ Պաղեստինի միջեւ հակամարտության լուծումը: «Ոչ մի B ծրագիր չկա»,-ասել է ՄԱԿ գլխավոր քարտուղար Անտոնիո Գուտերեշը՝ ելույթ ունենալով ՄԱԿ Անվտանգության խորհրդի Մերձավոր Արեւելքի հարցով նիստին, հաղորդում է AP-ն:
Նրա խոսքով՝ «տասնամյակների աջակցությունից հետո երկու պետությունների որոշման համընդհանուր կոնսենսուսը վտանգված է»: Գուտերեշը զգուշացրել է, որ «խոչընդոտները կարող են մեկ պետության համար անդառնալի իրականություն ստեղծել»: Նա նշել է, որ իրադարձությունների նման զարգացումը հակասում է «իսրայելցիների եւ պաղեստինցիների օրինական, ազգային, պատմական եւ ժողովրդավարական ձգտումներին»: «Երկխոսության եւ հաշտեցման ժամանակն է », - ասել է Գուտերեշը: