ՀՀ նախագահի հրամանագրով Ռուբեն Վարդազարյանը նշանակվել է Երեւան քաղաքի ընդհանուր իրավասության դատարանի նախագահ:
ՀՀ նախագահի համապատասխան հրամանագրում ասվում է.
«Ղեկավարվելով 2005 թվականի փոփոխություններով Հայաստանի Հանրապետության Սահմանադրության 55-րդ հոդվածի 11-րդ կետով, հիմք ընդունելով Հայաստանի Հանրապետության դատական օրենսգրքի 125-րդ հոդվածի 7-րդ մասը և հաշվի առնելով Արդարադատության խորհրդի 2018 թվականի փետրվարի 9-ի ԱԽ-2-Ո-1 որոշմամբ ներկայացված առաջարկությունը` որոշում եմ.
Ռուբեն Վարդազարյանին նշանակել Երևան քաղաքի ընդհանուր իրավասության դատարանի նախագահ»:
Ավելի վաղ NEWS.am-ը հայտնել էր, որ Արդարադատության խորհրդի որոշմամբ Ռուբեն Վարդազարյանը նշանակվել է Երեւան քաղաքի ընդհանուր իրավասության դատարանի նախագահի թեկնածու եւ նրա թեկնածությունը ներկայացվել է ՀՀ նախագահի հաստատմանը:
Հիշեցնենք, որ Ռուբեն Վարդազարյանը հունվարի 25-ից նշանակվել է Երեւան քաղաքի ընդհանուր իրավասության դատարանի նախագահի ժամանակավոր պաշտոնակատար:
Նա մինչեւ մայրաքաղաքում մեկ դատարանի ձեւավորումը Կենտրոն եւ Նորք Մարաշ վարչական շրջանների ընդհանուր իրավասության դատարանի նախագահն էր:
