Հայաստանի ԱԺ պետական-իրավական եւ մարդու իրավունքների պաշտպանության հարցերի մշտական հանձնաժողովում «ՀՀ ընտրական օրենսգրքում փոփոխություններ կատարելու մասին» օրենքի նախագծի քննարկումը շատ բուռն է ընթանում:
Հանձնաժողովի անդամներից ՀՀԿ խմբակցության պատգամավոր Գեւորգ Կոստանյանը հարց ուղղեց հանձնաժողովի անդամ ԱԺ փոխնախագահ Արփինե Հովհաննիսյանին. «Արդյոք կարող ենք փաստել, որ այս օրենքի փոփոխման անհրաժեշտությունը պայմանավորված է ընտրության արդյունքներով, որը ձեզ (նկատի ունի «Ծառուկյան» դաշինքին-խմբ) երեւի թե չի բավականացրել: Այսինքն մենք չենք խոսում ընտրական համակարգի վատ կամ լավ լինելու մասին, այլ այն մասին, որ այս համակարգը, որն ընդունման պահին ձեռնտու է եղել քաղաքական ուժին, բայց ընտրության արդյունքում չի տվել դրական արդյունք, հետեւաբար այն արդեն լավը չի եւ ենթակա է փոփոխման»:
Այս հարցը հունից հանեց «Ծառուկյան» խմբկցության պատգամավոր Նաիրա Զոհրաբյանին ով տեղից հայտարարեց. «Ինչպես կարող է տիկին Հովհաննիսյանը պատասխանել ԲՀԿ-ին ուղղված հարցին: Դուք ասում եք՝ արդյո՞ք ԲՀԿ-ին չի բավարարել ընտրության արդյունքները: Տիկին Հովհաննիսյանն ի՞նչ գիտի մեր քաղաքական որոշման կոնտենտը, բովանդակությունը»:
Գեւորգ Կոստանյանն էլ ասաց. «Ես եմ որոշում ում հարցը տամ»:
Հիշեցնենք, որ ԱԺ պետական-իրավական եւ մարդու իրավունքների պաշտպանության հարցերի մշտական հանձնաժողովը քննարկում է «ՀՀ ընտրական օրենսգրքում փոփոխություններ կատարելու մասին» օրենքի նախագիծը, որով «Ծառուկյան» դաշինքի պատգամավորներն առաջարկում են ընտրական օրենսգրքից հանել տարածքային ցուցակներով ընտրակարգը, այսինքն առաջարկում են անցնել պարզ համամասնական ընտրակարգի:
