2017 թվականին Եվրասիական զարգացման բանկի (ԵԱԶԲ) անդամ երկրների տնտեսությունները ադապտացվել են բացասական արտաքին պայմաններին եւ կանգնել են դրական տնտեսական աճի ուղու վրա: Այս մասին են նշվում է ԵԱԶԲ-ի գլխավոր տնտեսագետի խմբի պատրաստած եռամսյակային մակրոտնտեսական զեկույցում:

ԵԱԶԲ-ի վերլուծաբանների կանխատեսումների համաձայն՝ 2018 թվականի ընթացքում անդամ երկրներում տնտեսական աճի դրական տեմպեր եւ ՀՆԱ-ի՝ 2.2 տոկոս աճ է սպասվում: Հայաստանում ՀՆԱ-ի աճը 3 տոկոս կկազմի, Բելառուսում՝ 2.6 տոկոս, Ղազախստանում` 3.7 տոկոս, Ղրղզստանում՝ 4.2 տոկոս, Ռուսաստանում` 2 տոկոս, Տաջիկստանում՝ 7.3 տոկոս:

2017 թվականի արդյունքներով արձանագրված ցածր գնաճը (ամբողջ տարածաշրջանում ընդհանուր առմամբ մոտ 3 տոկոս) 2018 թվականին կավելանա մինչեւ 4 տոկոս, սակայն կմնա կենտրոնական/ազգային բանկերի նպատակային կողմնորոշիչների շրջանակներում: 2018 թվականի արդյունքներով Հայաստանում 3.4 տոկոս գնաճ է կանխատեսվում (աճ՝ նախորդ տարվա դեկտեմբերի համեմատ), Բելառուսում՝ 6 տոկոս, Ղազախստանում` 5.8 տոկոս, Ղրղզստանում՝ 4,7 տոկոս, Ռուսաստանում ՝3.8 տոկոս, Տաջիկստանում՝ 6.1 տոկոս: