Ես համաձայն չեմ «գերվարչապետ» տերմինի հետ այնպես, ինչպես համաձայն չեմ «գերնախագահ» տերմինի հետ։ Նման կարծիք փետրվարի 21-ին լրագրողների հետ հանդիպման ժամանակ հայտնեց ԱՊՀ երկրների ինստիտուտի տնօրեն, քաղաքագիտության դոկտոր, պրոֆեսոր Ալեքսանդր Մարկարովը՝ պատասխանելով այն հարցին, թե ինչպես պետք է նախագահն իրականացնի իր գործառույթները, եթե Հայայստանը դառնում է «սուպերվարչապետական» երկիր։
Նա նշեց, որ խորհրդարանական հանրապետության սահմանադրությունը հստակ ամրագրում է տարբեր քաղաքական ինստիտուտների, այդ թվում՝ խորհրդարանի եւ վարչապետի դերն ու գործառույթները եւ խորհրդարանական կառավարման ձեւ ունեցող շատ երկրներում նախագահը կատարում է ներկայացուցչական եւ որոշ առումով ընթացակարգային գործառույթ. «Կմշակվի ինչպես ֆորմալ, այնպես էլ ոչ ֆորմալ պրակտիկան կախված այն բանից,թե ինչ ավանդույթներ կձեւավորի խարհրդարանական Հայաստանի առաջին նախագահը»,–նշեց քաղաքագետը։