Մեծ Բրիտանիայի թագուհին առաջին անգամ ներկա է գտնվել Լոնդոնի նորաձեւության շաբաթին, հաղորդում է The Daily Telegraph–ը։

Եղիսաբեթ II-ը ներկա է գտնվել երիտասարդ բրիտանական կուտյուրե Ռիչարդ Քուինի հավաքածուի ցուցադրությանը: Նա նստել է առաջին շարքում՝ Vogue ամերիկյան ամսագրի գլխավոր խմբագիր Աննա Վինտուրի կողքին: Ցուցադրության ավարտին թագուհին պարգեւատրել է Քուինին դիզայնի ոլորտում հաջողությունների համար։