2008 թվականի մարտի 1-ին տեղ գտած իրադարձությունները՝ ցուցարարների ցրումը, հայոց պետականության համար ամոթալի երեւույթ է: Այս մասին փետրվարի 21-ին ԱԺ պետական-իրավական եւ մարդու իրավունքների պաշտպանության հարցերի մշտական հանձնաժողովի նիստին հայտարարել է Հայաստանի իշխող Հանրապետական կուսակցության պատգամավոր Գեւորգ Կոստանյանը:
Նրա խոսքով՝ այդ իրադարձությունները ոչ մեկի մոտ երկրի համար հպարտության զգացում չեն առաջացրել եւ չեն առաջացնում: Դա Հայաստանի քաղաքացիներին պատիվ չի բերել՝ անկախ քաղաքական հայացքներից: Ընդ որում, ինչպես նշեց պատգամավորը, այս իրադարձությունը չափազանց բացասական ազդեցություն ունեցավ հայոց պետության միջազգային հեղինակության վրա:
Հիշեցնենք, որ 2008 թվականի մարտի 1-ին իշխանությունը ուժ կիրառեց Երեւանի կենտրոնում ցույց անող ընդդիմության նկատմամբ, զոհվեց 8 ցուցարար եւ ներքին զորքերի 2 զինծառայող։ Մարդկանց զոհվելու համար ոչ ոք այդպես էլ պատասխանատվություն չկրեց։
