Փետրվարի 21-ին, ժամը 12:43-ին ահազանգ է ստացվել, որ Մ-5 ավտոճանապարհի Էջմիածին-Արմավիր հատվածի 6-րդ կմ-ին տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «ՎԱԶ 2121» մակնիշի 34 SM 173 պետհամարանիշի ավտոմեքենան (վարորդ՝ 1960 թ. ծնված Ե. Է.) եւ «Mercedes E124» մակնիշի 30 OA 022 պետհամարանիշի (վարորդ՝ 1990 թ. ծնված Գ. Բ.) ավտոմեքենաները:
Մինչ փրկարարների՝ կանչի վայր հասնելը՝ «ՎԱԶ 2121» մակնիշի ավտոմեքենայի վարորդը տեղի ուժերով դուրս է բերվել ավտոմեքենայից. քաղաքացին հրաժարվել է հոսպիտալացումից:
Փրկարարներն հոսանքազրկել են ավտոմեքենաները, փակել գազի բալոնների փականները, եւ իրականացրել ավտոճանապարհի լվացման աշխատանքներ: