Ազգային Ժողովի «Ելք» խմբակցության կողմից հեղինակված «2008 թվականի մարտի 1-2-ի իրադարձությունների վերաբերյալ» ԱԺ հայտարարության նախագծին ԱԺ պետաիրավական և մարդու իրավունքների պաշտպանության հարցերի մշտական հանձնաժողովը բացասական եզրակացություն տվեց:
Հանձնաժողովի ՀՀԿ-ական եւ ՀՅԴ-ական անդամները դեմ քվեարկեցին, «Ծառուկյան» խմբակցության երեք պատգամավորները ձեռնպահ քվեարկեցին, կողմ էր միայն «Ելք» խմբակցության ներկայացուցիչը՝ Էդմոն Մարուքյանը:
Նշենք, որ «Ելք» խմբակցությունն առաջարկում էր Մարտի մեկի 10-րդ տարելիցի կապակցությամբ ընդունել ԱԺ հայտարարություն:
Հիշեցնենք, որ 2008 թվականի մարտի 1-ին իշխանությունը ուժ կիրառեց Երեւանի կենտրոնում ցույց անող ընդդիմության նկատմամբ, զոհվեց 8 ցուցարար եւ ներքին զորքերի 2 զինծառայող։ Մարդկանց զոհվելու համար ոչ ոք այդպես էլ պատասխանատվություն չկրեց։
