Հաքերները կոտրել են ամպային սերվերները, որն օգտագործում է Tesla ավտոմոբիլային ընկերությունը եւ դրանք օգտագործել են կրիպտոարժույթների մայնինգի համար: Հարձակումը հայտնաբերել է RedLock ընկերությունը, գրում է THE VERGE-ը:
Tesla-ի սերվերներին հասանելիությունը Amazon Web Services-ի ամպային տարածքում հնարավոր էր, քանի սերվերների կառավարման Google Kubernetes համակարգը գաղտնաբառով պաշտպանված չէր: Կոտրված սերվերների վրա վերամշակվել են Tesla-ի մեքենաներից ստացված հեռաչափային տվյալները:
RedLock-ը կապվել է Tesla-ի հետ, որից հետո ընկերությունը արագ վերացրել է խոցելիությունը:
«Սխալների հայտանբերման համար մենք պարգեւատրող ծրագիր ունենք եւ մենք իմանալուց հետո մի քանի ժամ անց վերացրեցինք խոցելիությունը: Վտանգի տակ էին հայտնվել միայն այն մեքենաների տվյալները, որոնք մենք օգատգործում ենք ներքին թեստերի համար: Նախնական հետազոտութունը ցույց էր տվել, որ հաճախորդների անձնական տվյալները եւ նրանց ավտնագությունը չի վտանգվել», —ասել է Tesla-ի ներկայացուցիչը: