Մակեդոնիան Եվրամիությանը միանալու իր ձգտման հարցում առաջ է գնում: Այս մասին հայտարարել է Գերմանիայի կանցլեր Անգելա Մերկելը՝ բարձր գնահատելով Սկոպյեի վերջին բարեփոխումները եւ անվանման հետ կապված Հունաստանի հետ հակամարտությունը կարգավորելու հեռանկարը, հաղորդում է Reuters-ը:
Բեռլինում Մակեդոնիայի վարչապետ Զորան Զաեւի հետ համատեղ մամուլի ասուլիսում Մերկելը ողջունել է հանրապետությունում կատարված վերջին դատական բարեփոխումները: «Սա եւս անհրաժեշտ է, քանի որ դրան ԵՄ-ին անդամակցելու բանակցություններում առաջ շարժվելու պայմանների մի մասն են», - ասել է Մերկելը: «Մակեդոնիայի համար ՆԱՏՕ-ին եւ ԵՄ-ին անդամակցելուն այլընտրանք չկա: Ամբողջ տարածաշրջանի համար այլընտրանք չկա», - ասել է Զաեւը: