Աշխարհում կիբերհանցագործությունները տարեկան 600 միլիարդ դոլար են արժենում: Այս մասին նշվում է McAfee պահպանական ընկերության եւ Ռազմավարական եւ միջազգային հետազոտությունների կենտրոնի (CSIS) ուսումնասիրության մեջ, հաղորդում է AFP- ն:
Հետազոտության համաձայն՝ 2017 թվականին մտավոր սեփականության գողությունը կազմել է կիբերհանցագործության արժեքի մոտ մեկ քառորդը, մյուս հանցագործությունները, այդ թվում` շորթման հետ կապված, արագորեն աճում են:
ՌԴ-ն, Հյուսիսային Կորեան եւ Իրանը հաքերների հիմնական աղբյուրներն են, որոնց թիրախները ֆինանսական հաստատություններ են, իսկ Չինաստանը ամենաակտիվն է կիբերային լրտեսության մեջ:
Հետազոտողները նշել են, որ հանցագործները օգտագործում են առաջադեմ տեխնոլոգիաներ, ներառյալ արհեստական ինտելեկտը եւ կիբերտարածությունում հարձակումների կոդավորումը:
«Մենք տեսնում ենք, որ վատ դերակատարների համայնքը տեխնոլոգիաների ոլորտում նորարարություններ է օգտագործում», - ասել է McAfee-ի գլխավոր տեխնիկական տնօերն Սթիվ Գրոբմանը, Վաշինգթոնում կայացած մամուլի ասուլիսում:
McAfee-CSIS-ի զեկույցում նշվում է, որ 2014 թվականից կիբերհանցագործության վնասը 445 միլիարդ դոլարով աճել է:
«Մեր ուսումնասիրությունը հաստատեց այն փաստը, որ Ռուսաստանը կիբերհանցագործության ոլորտում առաջատար է», - ասել է CSIS-ի փոխնախագահ Ջեյմս Լյուիսը: Հյուսիսային Կորեան երկրորդ տեղն է զբաղեցնում՝ գողանալով կրիպտոարժույթը: Մենք տեսնում ենք կիբերհանցագործությունների կենտրոնների աճող թիվը, այդ թվում` ոչ միայն Հյուսիսային Կորեայում, այլ նաեւ Բրազիլիայում, Հնդկաստանում եւ Վիետնամում»:
