«Նոր ուժերի ռուխ» շարժման ղեկավար Միխայիլ Սաակաշվիլիին 3 տարով արգելել են մուտք գործել Ուկրաինա: Այս մասին փետրվարի 21-ին հայտարարել է Պետական սահմանապահ ծառայության պետի տեղակալ Վասիլի Սերվատյուկը՝ ի պատասխան փաստաբանների հարցմանը, հաղորդում է «Ինտերֆաքս-Ուկրաինան»:
«Մոստիսկու Սահմանապահ ջոկատի ղեկավարը որոշել է Վրաստանի նախկին նախագահ Միխայիլ Սաաակաշվիլիին մինչեւ 2021 թվականի փետրվարի 13-ը արգելել մուտք գործել Ուկրաինա», - ասվում է հաղորդագրության մեջ: Պետական սահմանապահ ծառայության ղեկավարությունը համարում է, որ այս որոշումը լիովին համապատասխանում է Ուկրաինայի ներկա օրենսդրության պահանջներին:
Գերատեսչությունը նշում է, որ փետրվարի 12-ին Սահակաշվիլիի ռեադմիսիան իրականացվել է ստանդարտ ընթացակարգի համաձայն, քանի որ նա դատական որոշումներից հետո ապօրինի կերպով մնացել է Ուկրաինայի տարածքում:
Սաակաշվիլիի փաստաբանները նշում են, որ այս որոշումը ապօրինի է եւ մտադիր են այն բողոքարկել: Բացի այդ, նա ասել է, որ մտադիր է վերականգնել Ուկրաինայի քաղաքացիությունը: